Lexicon Cosri

BarBuda turniri də belə bitdi!

2009-07-24T23:41:00.006+05:00

19 iyul 2009, Şahmat klubu özünün bütün imkanlarından istifadə edərək 20-dən çox komandanın beyin mücadiləsi üçün - BarBuda turnirinə ev sahibliyi etdi. Oyun çox isti və gərgin keçdi - isti olmasına səbəb içəridəki basabas və "kondisionerlərin" zəif işləməsi, gərgin olmasına səbəb isə sualların ya çoxluq tərəfindən tapılması, ya da heç kim tərəfindən tapılmaması idi.

45 sualdan 30-nu götürən Dream-Team [komandası] turnirin qalibi oldu.

Sual müəlliflərindən biri Türyanın maraqlandığı kimi, suallar lap bərbad olmasa da, bərbad idi, ancaq turnir köhnə dostları bir yerə yığması baxımından əla tədbir idi.

Barbuda!!!

2009-07-19T01:17:00.003+05:00

Bu gün günorta saat 12-də Azərbaycan prospektindəki Şahmat Klubunda Xəzər İntellektual Klubunun iki oyunçusu - hal-hazırda Barselonada təhsil alan Türyan və Budapeştdə təhsil alan Məmməd maraqlı Nə? Harada? Nə zaman? turniri keçirəcəklər. Sualların sayını düzü bilmirəm, amma turnir Barselona və Budapeştin şərəfinə Barbuda adlanır.

İnşallah, bir problem çıxmasa turnirdə mən də iştirak edəcəm, təbii ki ənənəvi komandamızın tərkibində - özü də nəzərə alın ki, bu bir il müddətində oyundan kənarda qalan Sənan da artıq qayıdıb və gəlir qanınızı içməyə! Turalın da sevincinin həddi-hüdudu yoxdu.

Xəzər klubu tətildə

2009-06-07T00:38:00.002+05:00

Yenə yay gəldi - deməli, Xəzər klubu tətilə çıxır. Bu ilin sentyabr ayının ortalarına kimi Xəzər klubu öz dövrə oyunlarını dayandırır.

Açığını desək, 2008-2009 mövsümü Xəzər klubu üçün çox da məhsuldar olmadı. Üzvlərun bir qismi əsgərliyə getdi, digər qismi xaricə oxumağa. Bununla belə, Xəzər bir neçə turnir keçirməyə nail oldu, o cümlədən Fərdi oyun üzrə açıq çempionatın ilk iki turunu.

İnşallah, bu sentyabr ayında görüşənədək. Yəqin ki görüş yerimiz yenə də Slavyan Universiteti olacaq. Bloqu isə izləyin, bloggerlərin tətili olmur :)

Turnirin adını tapdım :)

2009-06-01T05:54:00.004+05:00

Bir az əvvəl yazmışdım ki, mayın 23-də bir Nə? Harada? Nə zaman? turnirində iştirak etmişdim və turnirdən şəkilləri bloqa vurmuşdum - bununla belə, turnirin adını heç özüm də bilmirdim :)

Uzun axtarışlardan sonra, nəhayət ki tapdım:

Nə? Harada? Nə zaman? oyunu üzrə Bahar Kuboku turniri keçirildi

Mayın 23-də Bakı şəhər Gənclər və İdman Baş İdarəsi, Xəzər İntellektual Gənclər Klubu və Gənclərə Yardım Fondunun təşkilatçılığı ilə Nə? Harada? Nə zaman? oyunu üzrə Bahar Kuboku turniri keçirildi.

Yüksək səviyyədə təşkil olunan turnirdə 18 komanda iştirak etdi. Turnirin sual müəllifliyini və aparıcılığını Xəzər İntellektual Gənclər Klubunun “KiPL” komandası öz üzərinə götürmüşdü. Gərgin mübarizə şəraitində keçən turnirə Azərbaycanın digər intellektual klublarının, “Turan”, “İqtisadçı”, “Maqnat” və “SİM” klublarının komandaları da dəvət olunmuşdular. Birincilik uğrunda mübarizəyə bu komandalarla yanaşı Xəzər İntellektual Gənclər Klubunun “Cihad”, “Sakit”, “Dream Team” və “Veni, Vidi, Vici” komandaları da qoşulduğu üçün qələbənin heç də asand olmayacağı əvvəlcədən məlum idi. Nəticədə, 45 sualdan ibarət turnirdə daha dözümlü olan və daha az səhvə yol verən “Pentakl” komandası qələbə çaldı. İkinci və üçüncü yerləri isə müvafiq olaraq “Mafiya” və “Triumf” komandaları tutdular.

“Xəzər İntellektual Gənclər Klubu” İctimai Birliyinin sədri Seymur Teymurovun sözlərinə görə, əvvəlki turnirlərdə olduğu kimi, bu turnirin və bundan sonra təşkil olunacaq digər turnirlərin əsas ideyası ölkəmizdə intellektual gənclərin öz biliklərini nümayiş etdirməsi və yeni biliklər əldə etməsi üçün imkan yaratmaqdır.

Xəzərin son turnirindən şəkillər

2009-05-29T03:28:00.006+05:00

Mayın 23-də Xəzər İntellektual Gənclər Klubu İctimai Birliyi özünün növbəti turnirini keçirdi. Vallah, turnirin adı yadıma gəlmir (heç deyəsən bilmirdim də - Tural zəng eləyib demişdi: "turnirdi, gələrsən").

Qalıb komanda Pentakl oldu. Rüfət Abdulla başına bir dəstə yığıb kuboku bu dəfə apara bildi. Təbriklər! Bizə isə həmin turnirdən bəzi şəkilləri post eləmək qalır. Şəkillərin keyfiyyətinə görə üzrlər, kameram 1,3 meqapikseldir :)

Suallar qurtaqdıqdan sonra, təşkilatçılar bu "vışıbala"nı qapıya qoydular ki, heç kim zalı tərk etmək cürətində olmasın.

Bizim kapitanımız Tural və komandanın oyunçusu Rusif

Leylanın deyəsən kefi yoxdur - uduzmuşuq...

Bu şəkili çəkəndən sonra Ramil deyir ki, ver baxım görüm necə düşmüşəm :)

Bu da mən...

Rüfət və kapitanlıq etdiyi Pentakl komandası

Məhərrəm paketi qurdalayır görsün nə hədiyyə veriblər - hər adamın işi deyil ha ikinci oyundaca qalib olsun!

Verilişi gözlə və baxma!

2009-05-19T03:43:00.004+05:00

Sizə demişdim ki, baş tutarsa, bu yaxınlarda ilk azərbaycandilli Nə? Harada? Nə zaman? teleoyununa baxa biləcəksiniz, harada ki, mən də oynayıram. Sonra da xəbər vermişdim ki, oyun iki dəfə təxirə salınıb. Sözün düzü mən özüm də mayın 15-ində verilişə baxmaq istəyirdim, amma deyir sən saydığını say, gör fələk nə sayır...

Seymur (kapitanımız) qoydu ki? Zəng edib deyir ki, ayın 15-i sroçnu şəkildə Space TV-də ol, yeni mövsümün açılışıdı, ilk oyunudu. Bizim oyunu da Tural yazacaq, ordan baxarsan. Gedib görürəm heç özü gəlməyib, allah bilir oturub evdə, rahat-rahat verilişə baxırmış. Biz də - mən, Oktay və Orxan Space TV-də "massovka"lıq eləyirik!!!

Evdə deyirlər ki, o necə kapitandı, az qalmışdı sizi uduzdursun?

Biliklər yenilənir

2009-05-10T01:45:00.002+05:00

Biliklər daim yenilənir - dünən fakt olan hadisə, bu gün səhv məlumat olur. Ona görə də sual yazan şəxslər xüsusilə son yenilikləri izləməlidirlər.

Dəyişən biliklər və faktlar barəsində Xəzərin forumundakı bu rubrikamı oxuyun:
Tazə xəbərlər, və ya biliklər yenilənir

Teleoyun təxirə salınır

2009-05-10T01:38:00.004+05:00

Nə? Harada? Nə zaman? üzrə Azərbaycan dilində ilk teleoyun bildiyiniz kimi mayın 1-i efirə getməli idi, lakin artıq iki dəfə təxirə salınmışdır. İlk olaraq Neft Akademiyasında aprelin 30-u hadisələrinə görə, ikinci dəfə isə may ayının 8-nə, Şuşanın işğalı gününə düşdüyünə görə. Allah bütün ölənlərə rəhmət eləsin, xüsusən də Neft Akademiyasında həyatdan nakam köçmüş gənc terror qurbanlarının ruhu şad olsun.

Bizim oyun mayın 15-nə qalıb - atalar üçdən deyib, inşallah bu dəfə alınar.

Azərbaycan dilində ilk televiziya oyunu

2009-03-31T08:49:00.008+05:00

İnşallah, əgər işlər nəzərdə tutulduğu kimi alınsa, bu ilin may ayının birində ilk azərbaycandilli Nə? Harada? Nə zaman? teleoyununa baxa biləcəksiniz. İlk komandanın tərkibində mən də varam.

Day.Az » Что? Где? Когда? » Стало известно имя капитана первой азербайджаноязычной команды «Что? Где? Когда?»

10 Марта 2009 [14:13]

Президент азербайджанского интеллектуального клуба «Хазар» Сеймур Теймуров стал первым капитаном первой команды «Что? Где? Когда?», которая будет выступать в азербайджаноязычной версии игры.

«Для нас это большая ответственность, ведь мы первые, кто выступит в азербайджаноязычной версии этой игры, и во многом от нас зависит, каким будет выглядеть этот проект».

Как передает Trend Life, об этом сообщил Сеймур Теймуров.

В команду вошли члены клуба «Хазар» Турал Дадашов, Орхан Джафаров, Октай Магеррамов, Али Новрузов и Джавид Аббасов. Последний в «Хазар» не входит, но он единственный, кто играл в русской версии этого телепроекта. Команда тренируется уже две недели.

В прошлом все знатоки играли в спортивный «Что? Где? Когда?», и перспективы перехода в телевизионную версию не боятся.

«Я не думаю, что у нас будут какие-то проблемы с адаптацией, потому что мы знатоки вполне опытные и играем уже около десяти лет», - отметил С.Теймуров.

/Trend Life/

URL: http://www.day.az/news/tvigra/149777.html

Gecikmiş post

2009-03-28T08:41:00.001+04:00

Mən hələ Xəzərin Fərdi Oyun üzrə Açıq Çempionatının Qış turunun nəticələri haqqında yazmalı idim! Görün bu post nə qədər gecikib ki, artıq Yaz turunun da qalibi məlumdur!!!

Deməli, mənim apardığım Qış turunun qalibləri:

I yer - Rüfət Abdulla
II yer - Oktay Məhərrəmov
III yer - Tural Dadaşov

Orxan Cəlilovun apardığı Yaz turunun qalibləri:

I yer - Fədai Məmmədov
II yer - Rüfət Abdulla
III yer - Əli Novruzov (bəndəniz)

Hələ mən görün nə vaxt deyirəm ki, "ay Rüfət, ay Oktay, biz qocalmışıq, zəifləmişik, cavanlarla bacara bilmirik"

Turnir üçün ad

2009-01-19T23:18:00.005+04:00

Sizə Fərdi Oyun üzrə yeni turnir keçirəcəyimi demişdim, qalmışdı ad məsələsi, onu da uşaqlar fikirləşib tapdılar. Dedilər ki, gəl sən bunu havayıdan keçirmə, bu olsun Xəzərin Fərdi Oyun üzrə 2009-cu il Açıq Çempionatının I (Qış) turu, Fədai yaz, Elşən yay, Orxan da payız turlarını keçirər, sonda da olar Masters-2009. Nə deyirəm, oyunçu aparsın.

Turnirin full adı:

Xəzərin Fərdi Oyun üzrə 2009-cu il Açıq Çempionatının I (Qış) turu. (FOXAÇ 2009)

Növbəti fərdi oyun

2009-01-19T07:20:00.005+04:00

Əgər imkan olsa, fors-major heç nə baş verməsə, yəqin ki bu həftə, yanvarın 24-ü növbəti fərdi oyun olacaq. Suallar mənimdir, finalda 18, yarımfinalda 12, seçimlərdə isə hər üç üçlüyə 6 mövzu planlaşdırılır. Oyun hamı üçün açıqdır, bircə keçmiş və indiki Vista komandasının üzvlərindən başqa (onlar sualları test ediblər). İştirak haqqı 1 AZN. Fond yalnız birinci yer üçün hədiyyə nəzrədə tutur. Artıq pullar (əgər qalsa) Xəzərin büdcəsinə keçəcək. Mövzular yayğındır, xüsusi mövzular demək olar ki yoxdur.

Turnirin keçirilməsi 2008-in axırlarına planlaşdırılan zaman nəzərdə tutulmuşdu ki, adı Əxi-2008 olsun, Masters-2008-ə antipod kimi. Lakin müəyyən obyektiv və subyektiv səbəblərdən turnir gecikdiyindən, adı da dəyişəcək təbii ki. Hələlik ad fikirləşməmişəm, amma şərti olaraq "Slavyan bazarı turniri" adlandırıram.

We are the champions

2009-01-19T07:13:00.002+04:00

Komandamız yanvarın 10-da keçirilmiş Nə? Harada? Nə zaman? üzrə çağırış kubokunun qalibi oldu. Təbriklər bütün komanda üzvlərinə!

İkinci dövrədən suallar

2008-11-26T21:11:00.003+04:00

9 Noyabr tarixində Xəzər klubunda oxunulan suallardan müəllifi mən olanları nəzərinizə çatdırıram:

Sual: XIX əsrin naməlum bir ili və naməlum bir günü Parisin Sen-Rok məhələsində kütlə naməlum səslər eşitdi. Birinci səs ümumi rəyə görə fransıza məxsus idi, ikinci səs barədə isə fikirlər fərqlənirdi. Bir hollanda görə bu səs fransıza, bir fransıza görə bu səs ispana, bir ispana görə bu səs ingilisə, bir ingilisə görə bu səs almana məxsus idi. Mən sizdən bu səsin sahibini soruşmuram, sizdən tələb olunan cəmi üç sözdən istifadə etməklə nə baş verdiyini cavab kartınıza yazmaqdır.
Cavab: “Morq küçəsində qətllər”
Şərh: Əslində bu səs şimpanze meymununa məxsus idi
Mənbə: Edqar Alan Po. Morq küçəsində qətllər.

Sual: Birinci daha çox bir qədim yunanın, ikincisi isə bir ingilisin adı ilə assosiyasiya edilir. Tabare ata ikincini təsvir edərkən ona “məlumdan naməluma” tərifini vermişdi, bir rusiyalı centlmen isə 1891-ci ildə Bristolda ona maddi gəlir gətirən kiçik bir hadisədən sonra başa düşmüşdü ki, sən demə birinci ilə də çörək pulu qazanmaq mümkündür. Həm birincinin, həm də ikincinin nə olduğunu müvafiq olaraq cavab kartınızda yazın.
Cavab: Deduksiya və induksiya
Şərhlər: Qədim yunan – Aristotel, ingilis – Şerlok Holms, rusiyalı centlmen – Erast Fandorin.

Sual: Diqqət sualda əvəzetmə var: Emil Qaborionun bir əsərində qoca markiza d’Arlanj məhkəmənin qərarından öz həmsöhbətinə şikayət edərək deyir: “sizin əcdadlarınız heç kim olublar, ona görə də lokomotiv onların başı üzərindən keçərək heç bir zərər yetirməyib. Kim bilir, bəlkə də siz bu lokomotivdən qazanmısınız. Amma d'Arlanj ailəsini lokomotiv hər şeydən məhrum edib”. “ Heyhat! Lokomotiv hələ gedir, o bizim hamımızın axırına çıxacaq!” Diqqət sual, biz hansı sözü lokomotiv sözü ilə əvəz etmişik.
Cavab: İnqilab
Şərhlər: İnqilablar – tarixin lokomotivləridir!
Mənbə: Emil Qaborio. Dul qadın Lerujun işi.

Sual: Port-Arturun mühasirəsi zamanı yaralanaraq hərbi horpitala düşən Əliağa Şıxlıinskiyə bir dəfə dostu ətli piroq və donuz əti göndərir. Şıxlınskinin palatasında onunla birlikdə 62 nəfərin yatdığını nəzərə alaraq, ətli piroqun və donuz ətinin müvafiq olaraq neçə yerə bölündüyünü tapın Cavab: 63, 61

Sual: 2008-ci ilin iyun ayında baş vermiş bir hadisəni şərh edən edən BBC müxbiri demişdi ki, X-in Y-i əksər hallarda İsveçrə bankındakı hesab kimi möhkəm olsa da, bu dəfə məhz İsveçrədə onun etdiyi səhv X-in məğlubiyyətinə səbəb oldu. Məsələdən hali olmayan adama X-in sadəcə Y-in cəm forması kimi görünə biləcəyini nəzərə alaraq, X-in Y-i ifadəsini ən dəqiq formada bərpa edin.
Cavab: Çexlərin Çexi

Sual: Hamıya tanış olan bu ifadəyə biz hətta Mateasın İncilinin 5-ci surəsinin 22 ayəsində də bizə tanış olan formada ona rast gəlirik. Tədqiqatlara görə bu ifadə öz mənşəyini qədim Yerusəlimin qala divarlardan kənarda yerləşən və şəhər üçün zibilxana funksiyası daşıyan dərənindən adından götürüb. Siz isə bu dərəsinin bir xüsusiyyətini tapmışsınızsa, onda həmin ifadəni cavab kağızınıza yazmaqda çətinlik çəkməzsiniz.
Cavab: Cəhənnəm və ya Cəhənnəmdə yanmaq
Şərhlər: Hinnom dərəsi (ibricə Gey-hinnom) yəni CƏHƏNNƏM. Gigeyenik məqsədlərlə burada daima alovlar yanırdı deyə, bura Cəhənnəmim simvolu kimi işlədilirdi

Sual: Amerika Psixologiya Assosiasiyası tədqiqatlar zamanı buna yalnız o halda icazə verir ki, bu, öyrənilənlərin davranışındakı təbiiliyi saxlamaq üçün zəruridir. Corc Oruel isə yazırdı ki, Marşal Peten əsl vətənpərvər idi, Sovet mətbuatı dünyanın ən azad mətbuatıdır, Katolik kilsəsi təqiblərə qarşıdır kimi cümlələr az qala həmişə bu məqsədlə işlədilir. Bu nədir?
Cavab: Aldatmaq
Mənbə: APA. Ethical principles of psychologists and code of conduct; Corc Oruell. Siyasət və İngilis dili.

Yeni dövrə və yeni suallar

2008-10-08T09:38:00.003+05:00

Sentyabrın 21-də Xəzər İntellektual Klubu yeni dövrəyə start verdi. I oyunu Sakit komandası, II oyunu Ciha və Fortuna, III oyunu Kipl komandası apardı. Tural başda olmaqla bütün komandamız etiraf edir - Sənansız oynamaq bizim üçün çətindir :((

Burada isə sizə Sentyabrın 28-də Xəzərdə oxuduğum suallarımı təqdim edirəm (cəmi dörd sual):

Sual: 1899-cu ilin son günü Sen-Malo yaxınlığındakı qəsrdə iki ingilis, bir rusiyalı və bir yapon qonaq süfrə arxasında nahar edirdi. Bu zaman ingilislərdən biri rusiyalı həmsöhbətindən Doktor Lind haqqında sual soruşdu. Bəs bundan əvvəl rusiyalı həmin ingilisdən kimin haqqında maraqlanmışdı?
Cavab: Professor Moriarti.
Şərh: Bu qonaqlar Şerlok Holms, Doktor Vatson, Erast Fandorin və Masa, Doktor Lind isə Fandorinin düşməni idi.
Mənbə: Boris Akunin. Qüllənin əsiri.

Sual: Ləqəb və təxəllüslərə həsr edilmiş bir televerilişdə o, Əjdər oldan soruşur: “Əjdər müəllim, bəs siz mənə hansı ləqəbi verədiniz?”. Təkhecalı ləqəblərin tərəfdarı olan Əjdər Ol isə deyir ki, ona İl ləqəbini verərdi. Niyəsini eşidən auditoriyada alqışlar səslənir. Bəs Əjdər Ol bu ləqəbi kimə vermək istəyirdi?
Cavab: Aygün Kazımovaya.
Şərh: Ay Gün İl.
Mənbə: Aygün Kazımovanın ATV telekanalında gedən verilişi.

Sual: “Simpsonlar” filmində Marc Simpson ayrı-ayrı vaxtlarda həvəskar toxuculuqla məşğul olarkən gözə dəyir. Birinci halda onun toxuduğu materialın üzərində “ev əziz ev”, Sprinqfild qübbənin altına salınandan sonra “qübbə əziz qübbə” yazılarını görmək olar. Bəs Simpsonlar Alyaskaya köçdükdən sonra Marcın toxuduğu materialda nə yazısı payda olur?
Cavab: Nom əziz Nom
Şərh: “Home Sweet Home”, “Dome Sweet Dome”, “Nome Sweet Nome”
Mənbə: “Simpsonlar” filmi

[Diqqət, aparıcıya – vacibdir ki, sual oxunan zaman sizin arxanızda ən azı bir nəfər dayanmış olsun, lakin çalışın ki, bunun suala aidiyyatı olması barəsində nə həmin şəxs, nə də oyunçular bilməsinlər. Şərti olaraq həmin şəxsi Filankəs adlandırıq.]
Sual: Bu yaxınlarda Google özünün Chrome adlanan brauzerini ictimaiyyətə təqdim etdi. Brauzer sizə xüsusi inkoqnito pəncərədə işləmə imkanı verir ki, bu zaman sizin internetdə fəaliyyətinin kukilər və ya tarixdə qeydlər kimi kompüterdə heç bir iz buraxmadan baş verir. Lakin Xromun yaradıcıları hər ehtimala qarşı sizə aşağıdakılardan ehtiyatlı olmağı də xəbərdar edirlər:
(a) sizin haqqınızda informasiya toplayan və paylaşan saytlar;
(b) siz ziyarət etdiyiniz səhifələri qeyd edən internet xidməti provayderləri;
(c) havayı smayliklər əvəzində sizin klavyaturada yığdığınız mətnləri izləyən proqramlar;
(d) gizli agentlər tərəfindən aparılan kəşfiyyat.
Siyahıda sonuncu bənd isə nə qədər qəribə olsa da heç də informasiya texnologiyasına aid olmayıb, bu konkret halda məsələn Filankəsi bildirir. Siz isə sonuncu bəndi yazın.
Cavab: Arxanızda dayanan şəxslər.
Şərh: Onlar ekrana baxaraq sizin gördüyünüz işlərdən xəbərdar ola bilərlər.
Mənbə: Google Chrome-un inkoqnito pəncərəsindəki instruksiyalar.

Yeni fərdi oyun, ancaq gələn sezonda

2008-06-30T06:21:00.004+05:00

Rüfətin yüngül əli ilə, ruslar demiş, Əxi-2008 adını almış FO demək olar ki, hazırdır. Dünən Vista komandası ilə sualları test elədik. İndi testin nəticələri əsasında suallara və mövzulara təshihlər edirəm. İlk öncə də suallarda ortaya çıxan bəzi çatışmazlıqları aradan qaldırıram. Bu çatışmazlıqlar hansıdır?

(a) Suallar asandan çətinə doğru düz düzülməyib, çox zaman sadə suallar nədənsə axıra düşüb.
(b) Bəzi suallar o qədər uzundur ki, oxuyanın yorulması bir kənara, dinləyən sonda nəyin soruşulduğunu yaddan çıxarır
(c) Suallar yeni gələnlər və aztəcrübəlilər üçün çətin olacaq
(d) Mövzular arasında ümümi və martiks mövzular azdır

İndi bəndənizin bu səhvləri aradan qaldırmaqla yanaşı, ağlına yeni bir fikir də gəlib. Əxi-2008(c)-in keçirilməsinə Vista komandasını da cəlb etmək. Dünən uşaqların mənə oxuduğu 14 mövzu məndə belə təəssürat yaratdı ki, mənim disbalanslı mövzularımı, məhz Vistanın mövzuları balanslaşdıra bilər. Çünki:

(a) Ümumi mövzular və matriks mövzular çoxdur və çox yaxşıdır
(b) İdman və müasir gündəlik həyatdan suallar çoxdur

İnşallah və inşa-şeytan, bu yay suallar üzərində redaktə işini başa çatdıraraq, gələn oyun sezonunda bu yarışı keçirə bilərik. Artıq oyuna rəsmi ad da fikirləşmişəm - "Payız kuboku".

Domino səs-küyündə kinomatoqrafdan fərdi oyun

2008-06-28T06:21:00.001+05:00

Deyəsən iki həftə bundan qabaq idi, getmişdim Bakı Dövlətə - bizim Xəzər klubunun intellektuallarından bəziləri buraxılış işlərini müdafiə edəcəkdilər - onların müdafiəsinə baxım. Müdafiə necə keçdi, bu ayrı söhbətdir, bu haqda "O Olmasın, bu olsun"dakı Rza bəyi parafraz etsək, bloqəmdə nə qədər istəsən yazmaq olar, amma sözüm o deyil.

Müdafiədən sonra getdim uşaqlarla Tacirin çayxanasına, hansı ki, Bakı Dövlətin yanındadır və hansında ki, bizim Fədai və Elmdar kimi bəzi intellektuallarımız domino döyməyi xoşlayırlar, və təsəvvür edirsiniz nə oldu? Dominonun hər yeri başına götürmüş tappatarap səs-küyündə (bu dəfə bizim intellektuallar deyildi oynayan) kino mövzusunda fərdi oyun oynayırdıq, özü də rus dilində, Lümyer qardaşlarından və Sofi Lorendən tutmuş Zulu kinomatoqrafına qədər geniş bir mövzuda, üstəlik arada azərbaycan filmlərindən də maraqlı sualla olurdu.

Mən isə oyunun yarısında əsəbi-əsəbi deyirəm ki, bu nədi ye belə? Nə qədər kino olar? Başqa mövzudan suallar yoxdur? Mənə də uşaqlar deyir ki, bəs, bu kino svoyakıdı da, bilmirdin? Boynuma alıram, bilmirdim və bu azmış kimi məsələdən yalnız oyunun yarısında xali olmuşdum.

Çox başınızı ağrıtmayım, nəticələr: Kamal (360 xal), oyunun yarısı oynadı, digər yarısını isə Əlvanla Yaponustana oxumağa getmək barədə müzakirə aparırdı, bununla belə Fədai oyunun lap axırında onun rekordunu keçə bildi (380 xal). Bəndəniz 170 xal, oyunun ortalarında gəlib çıxan Orxan isə 120 xal. Sonra mən deyəndə ki, ay Rüfət, ay Oktay, biz qocalmışıq, zəifləmişik, cavanlarla bacara bilmirik, qəbul etmək istəmirlər, halbuki məni bu kino FO-sunda diri-diri yeyən bu cavanlar, onları da dəfələrlə FO-larda məğlub ediblər.

Bir sözlə, Rasim Qaraca demişkən, köhnəlirik. . .

Dövrə oyununda oxuduğum suallar

2008-06-02T06:15:00.008+05:00

İyunun 1-də növbəti dövrə oyunu oldu. Cihad - Dream-team oyununda aparıcılar və sual müəllifləri mən (11), Sənan (3 sual), Tural (2 sual), Çingiz (5 sual), Ramil (4 sual) idik. Burada öz oxuduğum sualları yerləşdirirəm. Mənbələr ən ümumi formada göstərilib. Buyurun.

1. Sual: Bir dəfə sual müəllifi populyar bir saytın Bolqar versiyasındakı düymənin üzərində “чувствам се късметлия” yazısını gördü. Bəs həmin saytın Azərbaycan versiyasında düymənin üzərində nə yazılıb?
Cavab: Mən xoşbəxtəm
Şərh: İngilis versiyasında “lucky”, bolqarca късметлия, yəni “qismətli”
Mənbə: google.com

2. Sual: Orxan Pamukun “Qara Kitab” əsərinin birinci bölümündə verdiyi epiqraf qəti olaraq bunu etməməyi məsləhət görür. Lakin Pamuk özü həmin kitabın istisnasız olaraq bütün bölümlərində bunu etməklə məşğuldur. Bəs bu nədir?
Cavab: Epiqraf vermək
Şərh: cavab həm də sualda verilib
Mənbə: Orxan Pamuk. Qara Kitab

3. Sual: 1879-cu ildə Peterburqda çıxan “Живописное обозрение” qəzeti, 13 il sonra isə Almaniyada nəşr edilən “Das Maqazin fur Literatur” jurnalı qeyd edirdilər ki, onun nəğmələri hətta tatar (Azərbaycan dilinə) də tərcümə olunub. Kimin nəğmələri?
Cavab: Mirzə Şəfi
Şərh: Burada açar söz nəğmələridir, ona görə də cavab Mirzə Şəfi olmalıdır, Bodenştedt yox. Çünki bu şeirlər Mirzə Şəfinin nəğmələri adlanır
Mənbə: Mirzə Şəfi Vazeh. Nəğmələr. B, 2004

4. Sual: Diqqət sualda üç əvəzetmə var. Emil Qaborio bir evin sakinləri və qonaqları haqqında yazırdı ki, əgər onlar hamısı eyni vaxtda bir yerə yığışsaydılar çay dəstgahı üçün partiya təşkil edə, minimal davamiyyətdə isə numizmatika və ya kiçik aksiyalarla məşğul ola bilərdilər. Bəs Qaborio onları hansı məşğuliyyət arxasında təsvir edirdi?
Cavab: Kart oyunu
Şərh: Əvəzetmələr müvafiq olaraq boston, imperial və piketdir
Mənbə: Emil Qaborio. Lerujun qətli.

5. Sual: Bir filmdə aşağıdakı epizod var: tez-tez yuxusunda onları yaddan çıxardığını görən bir haker yuxudan hölvnak qalxaraq panika içində onları təkrar edir. Əgər siz elə zənn edirsinizsə ki, Dalida və Alen Delon da məhz onlar haqqında duet oxuyurdu, onda siz sadəcə olaraq fransız dilini bilmirsiniz. Bəs söhbət nədən gedir?
Cavab: İnternet parollardan (şifrələrdən)
Şərh: Dalida və Alen Delonun oxuduğu mahnı “Paroles”, yəni “Sözlər” adlanır. Parole – fransızca söz deməkdir.
Mənbə: “Xottabıç” filmi və yuxarıda sözügedən mahnı.

6. Sual: İki həbsxana gözətçisinin iztirab və təşvişin cinayətkar üçün ən böyük cəza olması barədə söhbətinə qulaq asın. “Əgər sənin heç olmasa 10 minlik rentan olsa idi mən sənə deyərdim ki, Homburqa get və bütün var-dövlətini ya qırmızıya ya da qaraya tapşır. Şar fırlandıqca sən görərdin iztirab və təşviş necə böyük işgəncədir ki, hətta uduzanda belə bu işgəncənin bitməsinə görə sevinirsən” “Cənab Balan, sizin dediklərinizdən belə anlamaq olar ki, siz bunların hamısından keçmişsiniz” “Heyhat! İndi əgər mən sizə bu kiçik hücrənin qapısında kampaniya təşkil edirəmsə, buna görə biz mənim Anna Fedotovnaya hədsiz məhəbbətimə borcluyuq.” Diqqət sual: biz hansı ifadəni Anna Fedotovna sözləri ilə əvəz etmişik?
Cavab: Qaratoxmaq qadın
Şərh: Anna Fedotovna Puşkinin Qaratoxmaq qadın əsərində qoca qrafiniyanın adıdır.
Mənbə: Qaborio Emil. Lerujun qətli.

7. Sual: 1525-ci ildə Paviyada səslənmiş qanadlı ifadəyə əsasən itirilmişlərin arasında yalnız bu yox idi, 7 mart 1862-ci ildə Parisdə isə müstəntiqin qarşısına gətirilən qraf de Kommaren bunun da eyni aqibətə tuş gəldiyi bildirmək üçün həmin qanadlı ifadəni parafraz etmişdi. Bəs hər iki halda söhbət nədən gedirdi?
Cavab: Şərəf
Şərh: “Hər şey itirildi, şərəfdən başqa” (I Fransisk)
Mənbə: Qaborio Emil. Lerujun qətli.

8. Sual: DUPLET! (a) Deyirlər ki, ilk kitabları işıq üzü gördükdən sonra onlar öz yazıçı həmkarlarından içərisində 6 napoleon piroqu olan hədiyyə qutusu almışdılar. Bəs nəşr olunmuş kitabın adı nə idi? (b) 1927-ci ildə keçirilməsi nəzərdə tutulan, lakin müəyyən səbəblərdən baş tutmayan bir beynəlxalq şahmat turnirinin iştirakçılarının siyahısına qulaq asın: Steynits, Çiqorin, Alyoxin, Kapablanka. Bəs təşkilatçılara görə bu turnirin ən başlıca ulduzu kim olmalı idi?
Cavab: (a) “12 Stul” (b) Ostap Bender
Şərh: Основой сюжета романа послужил рассказ А. Конан-Дойла «Шесть Наполеонов», в котором драгоценный камень спрятан внутри одного из гипсовых бюстиков Наполеона. За бюстиками охотятся двое жуликов, один из которых перерезает другому горло бритвой
Mənbə: Ilf və Petrov. 12 stul

9. Sual: Ninso – Yaponiyada insanın taleyini onun simasından oxuma sənətinə deyirlər. Ninsoya görə insanın hər qətl etdiyi insan üçün simasına bir kiçik çapıq həkk olur. Bu məntiqlə də ən çox çapıq Zabitlərin, əsgərlərin və cəlladların simasında olmalıdır. Lakin bir kurtizankanın deməyinə görə həyatı boyu rastlaşdığı qorxunc çapıqlar onun bir ictimai evdə tez-tez rast gəldiyi fağır və sakit insanın simasında olub. Biz sizdən həmin şəxsin peşəsini soruşmuruq, siz bizə ictimai evin sakinlərinə onun hansı konkret xidməti göstərdiyini deyin
Cavab: O, abort edirdi
Şərh: O, həkim idi
Mənbə: Boris Akunin. Almaz cəng arabası. II Cild.

rekvizit

10. Sual: [rekvizit: Qarşınızda Xəlil Rzanın Az işlənən sözlər şeirindən fraqment vardır və orada Azərbaycan dilinin bir idiomu sizdən gizlədilmişdir.] Deyilənlərə görə, sizdən gizlədilmiş son iki sözlə bir şəxsin məşğul olması nəticəsində yaranan haldan çıxmaq üçün ən sonda Mus musculus-a müraciət etməli olmuşdular. Buraxılmış sözləri tapın.
Cavab: Başında turp əkmisən
Şərh: Baba turp əkdi nağılını yəqin ki, hamı bilir, Mus musculus isə ev siçanının elmi adıdır.
Mənbə: Xəlil Rza. Az işlənən sözlər.

rekvizit

11. Sual: [rekvizit] Plutarxa inansaq, bir məşhur ifadə əslində bu sözlərlə başlayırdı: “əgər başqa bir Yer olsa idi . . .” Biz sizdən bunun hansı ifadə olduğunu soruşmuruq, sadəcə Sabirin 1910-cu ildə yazdığı bu taziyanənin birinci misrasında kimin adının çəkildiyini deyin.
Cavab: Arximed
Şərh: Arşimed: bir nöqtə bulsaydım ona bilistinad / Qaldırardım cürmi-əzmi - söyləmişdir, leyk mən / Qaldırardım büsbütün İranı da, Turanı da / Kisəmə girsəydi ancaq bir beş-on yüz min tümən.
Mənbə: Mirzə Ələkbər Sabir. Sipəhdar deyir ki.

Policy Memo: Xəzər klubu ilə bağlı təkliflər

2008-05-12T03:36:00.004+05:00

Policy Memo:
Şənbə, 10 May 2008

Xəzər İntellektual Gənclər Klubunda dövrə oyunlarının və çempionatların təşkil edilməsi və sair idarəçilik məsələlərinin təkmiləşdirilməsi barədə təkliflər

Əli S. Novruzov

Mündəricat
• Dövrə oyunlarında liqalara bölgünün təkmilləşdirilməsi və sualların keyfiyyətinin yaxşılaşdırılması barədə
• Apelyasiya prosedurunun təkmilləşdirilməsi barədə
• Məktəb liqasına münasibətdə Xəzərin siyasətinin dəyişdirilməsi barədə
• Turnir və yarışların, kubok və çempionluqların keçirilməsi qaydalarına və saylarına müəyyənlik gətirilməsi barədə
• Xəzərin maliyə vəziyyətinin yaxşılaşdırılması barədə

Dövrə oyunlarında liqalara bölgünün təkmilləşdirilməsi və sualların keyfiyyətinin yaxşılaşdırılması barədə

Axır vaxtlar dövrə oyunlarında sualların keyfiyyətinin aşağı düşməsi müşahidə olunur ki, bu da özünü qeyri‐korrekt faktlar əsasında sualların yazılması, dual və ya kolomna sualların çoxluğu, eləcə də nə harada nə zaman oyununda breyn‐rinq formatlı sualların və ya sırf fakt suallarının dominantlığında özünü bürüzə verir.

Sualların keyfiyyətinin aşağı düşməsində əsas səbəb ondan ibarətdir ki, bir çox, xüsusən də gənc aparıcı komandalar sual yazma vərdişlərinə malik deyillər. Eyni zamanda yuxarı liqada yerlərin həddən artıq çox olması və bu yerlərin sayına münasibətdə Xəzərdə təcrübəli komandaların mhdudluğu ona gətirib çıxarır ki, oyun aparmaq səriştə və təcrübəsinə sahib olmayan bir çox gənc komandalar hələ sözügedən səriştə və təcrübəyə yiyələnmədən apaıcılıq etməyə və sual yazmağa məcbur olurlar. Nəticədə bu cür komandaların əsas məqsədi heç də keyfiyyətli sual yazmaq yox, məhz bu ağır məsuliyyətdən bacardıqca tez yaxasına qurtarmaq olur.

Ona görə də yuxarı liqadakı yerlərin sayının azaldılması (dörd‐beş yerə endirilməsi) məsləhət görülür ki, bunun nəticəsində oyun aparan komandaların sayı ilə Xəzərdə bu sahədə təcrübəyə malik komandaların sayı arasındakı uyğunsuzluğ aradan qaldırmaq olsun. Bu cür dəyişiklik aşağıdakı nəticələrə gətirib çıxara bilər:

1. Aparıcılıq və sual müəllifliyi müstəsna olaraq
bu sahələrdə lazımı təcrübəsi olan
komandaların əlində cəmləşəcək ki, bu da
sualların ümumi keyfiyyətinin qalxmasına kömək
edəcək Səriştəsiz və təcrübəsiz gənc
komandalar isə yuxarı liqaya düşüb bu
səlahiyyətləri əldə edənə qədər lazımi
təcrübə toplaya biləcəklər.

2. Yuxarı liqadakı yerlərin sayının azalması yuxarı
liqaya düşmək üçün müsabiqənin şərtlərini
çətinləşdirəcək ki, bu da Xəzərdə rəqabətin
artmasına səbəb olacaq. Xüsusilə də, yuxarı
liqadakı yerlərin bu cür məhdudluğu hər
dövrədə hansısa təcrübəli və güclü komandanın
ikinci liqada iştirakına səbəb olcaq ki,
bu da rəqabəti alovlandıran əlavə faktor
rolunu oynayacaq.

Xəzərdə yuxarı liqada yerlərin sayının azaldılması ancaq qısa müddət üçün və ancaq ümumi yaxşılaşma gətirəcək. Ona görə də sualların daim keyfiyyətli olmasını təmin etmək üçün sualların sayını 25‐dən 24‐ə azaldılması, paketdə ən azı üç şəxsin suallarının olması və bir şəxsin suallarının 50%‐dən çox olmaması qaydasını tətbiq etmək məsləhətdir. Paketdəki sual müəlliflərinin sayı nə qədər çox olacaqsa sualların fərqliliyi və keyfiyyəti bir o qədər artacaq. Eyni zamanda bir şəxsin suallarının paketdə dominantlığına son qoyulması bu

Sualların keyfiyyətinin yaxşılaşdırılması metodlarından biri kimi isə komandaların bir kənar redaktor və ya reviewer tutması mələhətli olardı. Bu zaman həmin kənar redaktor sualları nəzərdən keçirər, öz təklif və düzəlişlərini edər və çatışmazlıqların aradan qaldırılmasında komandaya kömək edərdi. Bu cür kənar redaktorlara klubun gündəlik fəaliyyətində iştirak
etməyən, lakin onun çoxdankı üzvlərindən olan Tural Eyvazov, Mürşüd İsmayılzadə kimi bilicilər aid ola bilər. Bu biliciləri Xəzər klubu deyil, komandaların özləri tapması və hər komandanın ayrıca öz bilicisi olması daha məqsədə uyğun olardı.

Apelyasiya prosedurunun təkmilləşdirilməsi barədə

Xəzərdə apelyasiyalar çox vaxt qərəzli, subyektiv və maraqlı ola bilir, eyni zamanda apelyasiyalara baxanların obyektivliyi barədə şübhələrə həmişə yer qalır. Ona görə də Apelyasiyalara baxılması zamanı Xəzərdə həmin oyunda oynamış və ya oyunu aparanların xidmətindən deyil, kənar bilicilərdən istifadə edilməsi məsləhətdir.

Bunun üçün şikayətçi komanda öz şikayətini elektron variantda qələmə almalı və həmin şikayət klub rəhbərliyi tərəfindən sualın ətni ilə birlikdə həmin kənar biliciyə (və ya bilicilərə) göndərilməlidir. Sualın baxılmaq üçün kimlərə göndərilməsi isə nə şikayətçilərə nə də sual müəllifləri və digər maraqlı tərəflərə bildirilməməldir ki, təzyiqlər və tanışlıqlar olmasın.

Bundan əlavə şikayətçi komanda apelyasiya verərkən hər apelyasiya üçün girov qoymalıdır. Bu girov böyük məbləğdə və geriyə qaytarılan (məs., 5 AZN), yaxud da kiçik məbləğdə amma geriyə qaytarılmayan (məs, 1‐2 AZN) olmalıdır. Bu pullar klubun büdcəsinə getməli və beləliklə həm lazımsız apelyasiyaların qarşısını almaqla yanaşı, həm də klubun maliyə vəziyyətini yaxşılaşdırmalıdır.

Məktəb liqasına münasibətdə Xəzərin siyasətinin dəyişdirilməsi barədə

Uzun müddət Xəzər klubu özünün məktəb liqasını saxlayıb, bir çox xəzərlilər məhz məktəb liqasının yetişdirməsidir və məktəblilərin intellektual potensialının üzə çıxarılmasında Xəzər lubunun 5 ildən çox təcrübəsi var. Lakin etiraf etmək lazımdır ki, bu gün reallıq dəyişib.

Birincisi Xəzər klubu artıq Bakı Dövlət və sair universitetlərdən məkan kimi istifadə etmir, deməli (a) yer tapmaq və oyun keçirmək üçün maliyə tapmalı və pul xərcləməli olur; və (b) bir vaxtlar məktəbliləri cəlb edəcək gurultulu adlardan və cazibəsindən (məsələn, Bakı Dövlət) məhrum olub.

Üstəlik məktəblilərin dərs proqramlarının çətinləşməsi yuxarı sinif şagirdlərinin intellektual həyata qoşulmasına mane olur (sınaq imtahanları, hazırlıqlar və ildə dörd dəfə keçirilən attestat imtahanları), aşağı sinif şagirdləri isə adətən bu oyunlara qısa müddətli maraq göstərir və ya tam iştirak edə bilmir (məs., valideynlərin icazəsi, gəlib‐getmə problemi). Eləcə də aşağı sinif şagirdləri yuxarı siniflərə keçdikcə sözü gedən məktəb proqramının çətinliyinə görə oyunları bir daha tər edirlər.

Həmçinin Xəzərin insan və maliyə resurslarının azlığı əlavə olaraq Məktəb Liqasının saxlanmasını da klub üçün ağır yükə çevirir Həmçinin Məktəb liqasındakı komandalar və oyunçular əsas liqalardakılardan fərqli olaraq adətən daimi deyillər. Buna görə də hər dəfə yay tətilindən sonra Məktəb liqasını demək olar ki, sıfırdan başlamaq lazım gəlir.

Xəzərdə resursların azlığı ona gətirib çıxarır ki, klubun diqqətinin bir hissəsinin məktəb liqasına yönəlməsi, əsas liqalar və əsas oyunlar üzərində diqqəti azaldır. Məs, Məktəb liqasının oyunları səbəbindən son vaxtlar klubda FO, erudit‐kvartet kimi oyunları keçirmək çətinləşir (yer problemi), halbuki bütün klubun oynaya biləcəyi yarışlar təxirə salınır məhz ona görə ki, məktəb liqasında dörd, əsasən natamam komanda oyun oynayacaq.

Üstəlik, məktəblilərin ayrıca liqaya yığılması onlarda bir növ kiçik qardaş hissi yaradır. Halbuki, onlar da özlərini klubun bərabər hüquqlu üzvlərindən hesab etsələr, məncə bu, daha çox məktəblinin oyunlara cəlb edilməsinə əlavə stimul ola bilər.

Bu səbəblərdən Məktəb liqası ilə bağlı aşağıdakı təklifləri həyata keçirmək məqsədəuyğun olardı:

1. Məktəb liqasını bir münfərid bir liqa
kimi ləğv edərək, onları üçüncü liqa
kimi əsas oyuna inkorporasiya etmək.
Məktəblilər də əsas oyunda hamının oynadığı
sualları oynayacaq, lakin fərq onda olacaq
ki, bu liqadan yuxarıya, ya da ikinci
liqadan buraya heç bir yerdəyişmə olmayacaq.
Sadəcə bütün məktəb komandaları oyun zamanı
üçüncü liqaya qeydiyyatdan keçəcək. Bu zaman
əldə dilən nəticələr: (a) FO,
erudit‐kvartet və sair yan oyunlar üçün
yer məkanının həll olunması, (b) məktəblilər
üçün hər həftə yeni suallar tapmaq
probleminin aradan qalxması, (c) Məktəb
liqasında
Sizif əməyi ilə məşğul olan
könüllülərin daha produktiv işlərə cəlbi, (d)
Məktəblilərin özlərini kiçildilmiş hiss
etmələrinə son qoyulması və onların klub
üzvləri ilə bərabər hüquqlu olması
barədə təəsüratlarının gücləməsi ki, bu özü
də yeni məktəblilərin kluba cəlb
edilməsinə əlavə stimul ola bilər.

2. Bununla belə, məktəblilərlə fərdi işləri dayandırmamaq
və mütəmadi olaraq məktəblilər arasında
turnirlər keçirmək. Hər dövrənin sonu
məktəblilərin ən yaxşısını mükafatlandırmaq.

Turnir və yarışların, kubok və çempionluqların keçirilməsi qaydalarına və saylarına müəyyənlik gətirilməsi barədə

Xəzər klubu turnir və çempionluqların təşkili və keçirilməsində böyük təcrübəyə malik olsa da çox təəssüf ki, bu tədbirlərin həyata keçirilməsi daha çox nizamlı deyil, xaotik xarakter daşıyır. Bunun da nəticəsində Xəzərdə müxtəlif və adları və vaxtları tez‐tez dəyişən turnirlər cədvəli və tarixi formalaşıb ki, bunların da içində mötəbər ənənə halını almış turnir tapmaq çətindir.

Məsələn, İqtisadçı klubu Xəzərdən gənc və bəlkə də onun törəməsi olsa da onun İstiqlaliyyət Kuboku artıq ənənə halında formalaşır ki, Xəzərdə belə analoqlara çətin ki, rast gəlmək olsun. Faktiki olaraq klubun əsası qoyulan ildən bəri keçirilməsi ənənə halını almış belə bir turnir yoxdur.

Ona görə də məsləhətli olardı ki, Xəzər klubu özünün “kanon” turnirlərinin siyahısını qəti olaraq müəyyənləşdirsin ki, bu turnirlər hər il və istənilən halda keçirilsin. Məsələn belə kanon turnirlərə Çağırış Kuboku, Prezident kuboku və ya Xəzər kuboku kimi turnirləri aid etmək olar. Əslində bu cür kanon turnirləri ildə iki dəfə (biri yazda, digəri payızda) təşkil etmək, digər vaxtlarda isə qeyri‐kanon turnirlər (məs., Trend kuboku) keçirmək olar.

Çoxsaylı, lakin nizamsız turnirlər keçirmək əvəzinə azsaylı, lakin nizamlı turnirlər keçirmək həm Xəzərin maliyə vəziyyətinə müsbət təsir göstərər, həm də klubda sabit ənənələrin bərqərar olmasına şərait yaradar. Lakin klub əgər fəaliyyətini gözəl təşkil etmək istəyirsə, o, ad hoc turnirlərə də kifayət qədər yer ayırmağı da unutmamalıdır.

Xəzərin maliyə vəziyyətinin yaxşılaşdırılması barədə

Xəzər Klubunun maliyə vəziyyətinin ağırlığı onun inkişafı yolunda başlıca əngəldir. Klubun bir çox problemlərinin həlli məhz onun maliyə vəziyyətinin normallaşdırılmasından keçir. Klubun fəaliyyəti göstərir ki, onun sırf üzvlərin hesabına maliyyələşməsi kifayət etmir. Klub öz maliyə problemlərini həll etmək üçün əlavə gəlir mənbəyi tapmalıdır.

Maliyə məsələləri barəsində tövsiyələr hazırlamaq və bu cür maliyə mənbələri tapmaq üçün klubda xüsusi qeyri‐rəsmi işçi qrupunun yaradılması bu işdə böyük kömək ola bilərdi. Bu işçi qrupunun fəaliyyəti əlavə gəlir üçün mənbələr və ya sponsorlar tapmaqla yanaşı, mövcud xərcləri azaltmaq və rasionallaşdırmaq və ya artırmaq yolları üzərində tövsiyələr hazırlamaqdan ibarət olmalıdır.

Bununla yanaşı, klubda apelyasiyaların ödənişli edilməsi kimi əlavə gəlir mənbələri yaratmaq, ianə toplamaq (xüsusən də işləyən üzvlərdən), bütün lazımsız xərcləri kəsmək (məsələn, məktəblilər istisna, dövrə oyunlarında qaliblərə mükafat və sertifikatların verilməsi kimi – mənə elə gəlir yuxarı liqa bu imtiyazlardan imtina edə bilər) yolları ilə maliyyə məsələlərini yüngülləşdirmək olar, lakin təbii ki, əsas məsələ kluba daimi sponsor tapmaqdan ibarət olacaqdır.

Masters-2008 bitdi: nəticələr

2008-05-05T00:57:00.004+05:00

Dünən Xəzər klubunda mötəbər Masters-2008 turniri başa çatdı. Turnir gərgin mübarizə şəraitində keçməklə bərabər, həm də surprizlərlə dolu idi, amma mənim üçün yox. Çünki, bəndəniz ta əvvəldən deyirdi ki, RSF HSYNV ilə Fədai bir üçlükdə olanda onları udmaq mümkün deyil: dokazano dvajdi Rufatom, indi isə qarantirovano Oktayom!

Necə ki, yarımfinalda Rüfət Abdulla gənc diplomatlara açıq fərqlə məğlub olmuşdu, eyni ssenari ilə finalda Oktay müəllim də onlara duruş gətirə bilmədi. Fədai +850 ilə klubun ilk Fərdi oyun magistri adını qazandı. Oktay mlm +120 xal, RSF HSYNV ilə təqribən +340 civarında (günahkaram, kağızları yaddan çıxarıb Atəşgahda qoymuşam).

Suallar bu dəfə normal və bir qədər əhatəli idi, amma sual müəlliflərindən olan Fuad Eminovu qəzəbli kütlənin linçləmə əməliyyatından bəndəniz çətinliklə qurtara bildi.

Oyundan qabaq bəndənizin Oktayı xəbərdarlığı ("over self-confident" olması barədə) Oktay tərəfindən qulaq ardına vuruldu. Həqiqətən də oyun zamanı məlum oldu ki, Oktay mlm elə birinci raunddaca sürətlə mənfilədikdən sonra özünü itirdi və bir daha "recover" ola bilmədi. Rusif də eyni problemə ("over self-confidence") düçar olmuşdu deyə bilərik. Hər halda sakit, eytiyatlı və praqmatik oyun oynayan Fədai cəmi üç dəfə mənfi vurmaqla 200 xal itirsə də oyunun gedişində özünü ələ ala bildi və bununla da qalib gəldi.

Təşkilatçılar səmimi qəlbdən Fədaini bu qələbəsi və Fərdi Oyun Magistri adını alması münasibəti ilə təbrik edir, ona gələcək oyunçu karyerasında yeni-yeni uğurlar arzu edir.

Eyni zamanda bütün sual müəlliflərinə və yarımfinallar zamanı təşkilatçıları texniki köməklə təchiz etmiş Rüfət Abdullaya, qiymətli vaxtını bizə ayıran tamaşaçılara və oyunlarını bizə görə bir qədər gec başlayan komandalara, xüsusən də Diplomat, Heqzaqon və Kiplotriumf'a minnətdarlığımızı bildiririk

Məğlublara və tamaşaçılara, FO həvəskarlarına isə onu deyirik ki, bu yaxında sizi ən azı iki yeni FO gözləyir - Sakit Əlinin Azərbaycan musiqisinə həsr edilmiş tematik Fo-su və bəndənizin zarafatla "Əxi-2008" adını almış (Masters-2008-in antipodu kimi) Fo-su.

Necə deyərlər, oyunçu aparsın!

Məktəb liqasında oxuduğum suallar (27 Aprel, 2008)

2008-04-30T15:56:00.001+05:00

Sizə məktəblilərin oyununda oxuduğum bəzi sualları təqdim edirəm. Yoldaşlar dedilər ki, suallar çox çətin idi, xüsusən də məktəblilər üçün. Sözün düzü, mən də bu fikri bölüşürdüm, amma belə məntiqlə hərəkət edirdim ki, nə olsun məktəblidirlər, qoy bu dəfə çətin sualları oynasınlar da...

1. Bu qurumun Azərbaycan dilindəki abreviaturası bir klassik hind filminin qəhrəmanlarını xatırladır. Bəs həmin qurumun orijinaldakı abreviaturası necədir ?

Cavab: İTAR-TASS
Şərhlər: Azərbaycanca RİTA-SİTA, yada isə Gita və Zita düşür

2. Siz yəqin ki, Çin mətbəxinin ekstravaqnalığı haqqında çox eşitmisiniz. Kantonda “pələngin əjdaha ilə döyüşü” adlanan xörək çox məşhurdur. Bəs bu xörəyin iki əsas inqrediyenti nədir?
Cavab: Pişik və ilan əti

3. Amerikanın ilk yepiskopu Las Kasas yerli hindiləri müdafiə edən bəlkə də ilk avropalı olub, lakin tarix elmi Las Kasasın humanistliyi barədə daha çox susmağa üstünlük verir. Bunun səbəbi isə Las Kasasın elə həmin hindilərin aqibətini yüngülləşdirmək üçün irəli sürdüyü bir təklifdir. Bəs Las Kasas nə təklif etmişdi?
Cavab: Afrikadan qullar gətirmək

4.Onlar peyda olanda Avropada merkuri adlanırdı və indi daha çox qısalmağa meyl edən cəhətləri o zaman bacardıqca uzun olardı. ABŞ və İngiltərədə onları hazırlandıqları materialın adı ilə adlandırırlar, bizdə isə bir orta əsr pul vahidinin adı ilə. Bir dəqiqə sonra bizim onları necə adlandırdığımızı cavab kartınız yazın, nəzərə alın ki, ABŞ və İngiltərədə əsasən dövlətə məxsus olanlar belə adlanır?
Cavab: Qəzet
Şərhlər: təbii ki, paper və newspaper; qəzet orta əsr italyan gümüş puludur,

5. Bir filmdən fraqment. Bir nəfər 10 il öncə tərk etdiyi psixoloqun yanına gəlir və onu narahat edən problemdən danışır. Bu “problemdən” heyrətlənən psixoloq deyir: “Freyd öldü və bir suala cavab tapmadan öldü. [ Buraxılmış sətir] Amma bu gün siz bu suala çox asanlıqla cavab tapa bilərsiniz”. Bu sitat hansı filmdəndir?
Cavab: Qadınlar nə istəyir
Şərh: Sualda buraxılmış sətir həm də filmin adıdır.

6. Haqverdiyevin “Dağılan tifaq” pyesinin Şuşada baş tutan ilk tamaşasında rus-tatar məktəbinin şagirdlərindən iki qardaş epizodik rolda çıxış edirdilər. Onlar “əsmə, badi-səba, əsmə” oxuya-oxua səhnəyə çıxır, mayide rast gələrək “vay, burda bir ölü var” qışqırır və səhnədən qaçırdılar. Aradan bir xeyli il keçəndən sonra 1908-ci ildə bu qardaşların soyadı Tağıyev teatrının afişalarında peyda oldu. Həmin soyadı cavab kartınıza yazın.
Cavab: Hacıbəyov
Şərh: 1908, Leyli və Məcnunun premyerası

7. Siz Moskvanın Teatralnı meydanı haqqında yəqin ki eşitmisiniz, Bolşoy Teatr məhz orada yerləşir. Bəs nə üçün belə gözəl və səliqəli meydanda 1917-ci ildən qabaq soyuq qış axşamlarında həmişə tonqal yandırardılar?
Cavab: Faytonçular və nökərlər soyuqdan donmasınlar
Şərh: Axı varlılar teatra gələndə özləri ilə lakey və faytonçular gətirirdilər

8. 2005-ci ilin aprel ayında ABŞ Maliyə Nazirliyinin qarşısında bir ördək yuva qurdu və 9 yumurta çıxardı. Ördəyə məmurların verdiyi ad isə bir ABŞ rəsmisiin adından cəmi bir hərflə fərqlənirdi. Ördəyin adı nə idi?
Cavab: Dak Çeyni

9. Bir dəfə sual müəllifinin diqqətini Bakı Soveti yaxınlığında dükan adı cəlb etdi. Ad rus dilində olsa da latın qrafikası ilə yazılmışdı. Addakı hərlərdən biri iynəyə, ikisi isə düyməyə bənzədilmişdi. Bəs bu səkkiz hərfli söz nə idi?
Cavab: İqoloçka

10. Bolşoye Kulinarnoye Puteşestviye verilişinin aparıcısı Krit adasında olarkən zarafatla deyir: Kritdə olan hər bir turist üç şeyi etməlidir (a) labirintə daxil olmaq (b) labirintdən çıxış yolu tapmaq. Üçüncünü etmək isə bəlkə də ən əsasdır, çünki onsuz siz heç ikincini də edə bilməzsiniz. Bəs bu üçüncü nədir?
Cavab: Minotavra rast gəlməmək

11. Lətifə: Bir turist Qabrovoda qəza keçirir və qanköçürməsin ehtiyac duyur. Bir qabrovolu ona öz qanından verir və əvəzində xeyli pul alır. İkinci qanköçürmədən sonra turist bu məbləği yarıbayarı azaldır, üçüncü dəfə isə qabrovoluəliboş geri qayıdır. Bəs turistin bu xəsisliyinin səbəbi nə idi?
Cavab: Artıq damarlarında Qabrovo qanı axırdı

12. Cəvahirləl Nehrunun 30-cu illərdə qızına yazdığı məktublardan ibarət Ümumdünya Tarixinə Bir Nəzər kitabını tərcümə və nəşr edənlər tez-tez mətnə birinci sözünü artırmalı olurlar. Bəs bu kitabda birinci sözü daha çox hansı ifadənin qarşısına əlavə edilir?
Cavab: Dünya müharibəsi

13. Səhnədə nə isə ifa edərkən tamaşaçılara arxa çevirmək ədəbsizlik sayılır. Lakin 2004-cü ildə Azərbaycan Dövlət Filarmoniyasının açılışında səhnədə ifa edən Mistislav Rastropoviç tamaşaçılara, o cümlədən prezidentə, səfirlərə, dövlət və mədəniyyət xadimlərinə arxasını çevirmişdi. Bəs niyə?
Cavab: Üzünü H. Əliyevin portretinə tutmuşdu
Şərhlər: Filarmoniyanı Heydər Əliyev açmalı idi, ancaq rəhmətə getdi və bu, baş tutmadı. Ona görə də filarmoniyanın açılışı Heydər Əliyevin xatirəsinə həsr edilmişdi.

14. Bir dükanın qapısına vurulmuş lövhədən yazı: “Qapını bağlayın, Zakroyte dver, Close the door, Kinq konq fu, ...”. Bəs siyahını hansı şəhərin adı tamamlayır?
Cavab: Dərbənd
Şərhlər: Dəmir qapı Dərbənd, Qafqazın qapılarında qıfıl, həm də axı Dərbənd farsca "qapını bağla" deməkdir!

15. Dünyanın üç qitəsində fəthlər edən Osmanlılar hər yerdə bunu axtarırdılar, Hələ çox qədimdə isə 3 gözəl qadın bunun üstündə savaşmışdı da. Bəs bu mübahisədən hansı şəhər zərər çəkmişdi?
Cavab: Troya
Şərhlər: Hera, Afina və Afrodita arasında gedən mübahisədə Troyalı Parisin qərəzli hakimliyindən sonra allahlar Troyanı dağıtmaq qərarına gəldilər.

16. Orxan Fikrətoğlunun bir parafrazında bu aforizm qiymətlərə münasibətdə işlədilir, bəs orijinalda hansı əşyanın adı çəkilir?
Cavab: Bayraq
Şərhlər: Orxan Fikrətoğlu demişdi: "Bir kərə yüksələn qiymətlər, bir daha enmir"

17. 1922-ci ilin yanvarında Kannda Avropa dövlətlərinin iştirak etdiyi növbəti diplomatik konfransda Fransanın baş naziri Aristid Brianın kompromisə meylli mövqeyi Fransa ictimaiyyətində elə qəti narazılıq doğurmuşdu ki, hələ konfransın əvvəlində Brian geri çağrılmış və parlament ona etimadsızlıq votumu göstərmişdi. Onu devirənlər belə bir şüarla çıxış edirdilər: “Brian Kanna gedirdi, amma gedib [BURAXILMIŞ SÖZ] çıxdı”. Buraxılmış sözü tapın
Cavab: Kanossaya.
Şərhlər: Kanossaya getmək - alçalmaq, güzəştə getmək deməkdir

18. Siz fobiyalar haqqında çox eşitmisiniz, amma hippopotomonstroseskvippedaliofobiya sözünə yeqin ki birinci dəfə rast gəlirsiniz. Bununla belə bir qədər fikirləşsəniz bir dəqiqə sonra cavab kağızına bu sözün mənasını yazmaqda heç də çətinlik çəkməyəcəksiniz.
Şərhlər: uzun sözlərdən qorxmaq

Masters-2008: ilkin nəticələr

2008-04-28T15:56:00.002+05:00

Beləliklə də Masters-2008 turnirinin birinci mərhələsi başa çatdı. Final mərhələsinə Oktay Məhərrəmov, Rusif Hüseynov və Fədai Məmmədov vəsiqə qazandı. Final oyunu ilkin məlumatlara görə mayın 4-də olacaq. Detallar sonradan dəqiqləşdiriləcək.

İndi isə bir qədər oyun barədə. İlk olaraq bir qrup iştirakçı və tamaşaçının qarşısında püşkatma prosesi keçirildi. Fədai, Emil T və Əlvan Abdulla hərəsi ümumi səbətdən bir ad çıxardı: müvafiq olaraq Oktayın, Turalın və bəndəniz mənim adımı. Bununla da birinci üçlük formalaşdı. İkinci üçlüyə isə Rusif, Fədai və Rüfət Abdulla qaldı.

Orxan Cəlilov gözlənilənlərin (və öz dediklərinin) əksinə olaraq nisbətən dar mövzular hazırlamışdı. 12 mövzuluq oyun əsasən yapon süjetləri və futbol çempionatları ilə yadda qaldı. Oyun göstərdi ki, Tural Dadaşov formada deyil, FO məsələsində korşalıb, Əli Novruzovun oyun taktikası isə mənasız risklərə getmək və mənalı risklərə getməməkdən ibarətdir. Oktayın oyunundan isə o məlum oldu ki, öz sürətini qoruyub saxlaya bilib. Yeri gəlmişkən, gözlənilənlərin əksinə olaraq Azərbaycan tematikasında Tural və Əli deyil, məhz Oktay yaxşı oynadı.

Oyunun nəticəsinə əsasən Oktay +510 xalla birbaşa finala çıxdı. Əli Novruzov +180 ilə rezervdə qaldı -30 xalla turnirə əlvida deyən Turaldan fərqli olaraq, bəndənizin turnirdə sonrakı iştirakı ikinci üçlüyün ikincisinin “performasından” asılı idi.

Beləliklə, ikinci üçlük daxil oldu oyun zalına və deja vü baş verdi. Bir dəfə də klubda olduğu kimi Fədai və Rusif gözəl oyun nümayiş etdirərək Rüfət Abdullanı üçüncü yerə sıxışdırdılar. Oyundan o da məlum oldu ki, Rüfət öz sürətini itirib (hər halda bir çox hallarda Rusifə sualları uduzurdu). Rusif isə həm sürətdə, həm də bilikdə əlavə edib. Fədai nisbətən passiv idi.

Zaldakıların bir çoxunun şokuna, bir çoxunun da gözləntisinə cavab olaraq, Rüfət çox pis nəticə göstərərək turnirə əlvida dedi (+50). Rusif +420 xal ilə üçlüyün qalibi və turnirin ikinci finalçısı oldu. Fədai isə +200 xalla hər iki üçlüyün ən yaxşı ikincisi kimi finalçıların üçüncüsü olmaq hüququnu qazandı. Beləliklə bəndəniz də turnirə əlvida dedi.

Beləliklə, üç finalçı – Oktay, Rusif və Fədai gələn həftə finalda yanaşı gələcəklər (qarçı-qarşıya ifadəsini işlədə bilmirəm çünki FO-da iştirakçılar yalnız aparıcı ilə qarşı-qarşıya gəlirlər).

Maraqlı haşiyə: Həm bu yaxınlarda keçirilmiş tələbələr arasında rusdilli FO-da, həm də Masters-2008-də bəndəniz cəmi 20 xal fərqi ilə uduzub, özü də ikisində də finala çıxmamış, elə astanada!

P.S.: Bu postda nə qədər “beləliklə” sözünü işlətmişəm! Dəhşət!

Əlavə: Oyunçuların yekun xallarına görə yerləri (bütün oyunçular eyni sualları oynayıb)
1. Oktay (+510)
2. Rusif (+420)
3. Fədai (+200)
4. Əli (+180)
5. Rüfət (+50)
6. Tural (-30)

Elan: Masters-2008

2008-04-26T15:56:00.002+05:00

Diqqət! Diqqət!

Hamı Masters-2008 turnirinə!

Bu bazar günü 27 Aprel 2008-ci il, Slavyan Universitetinin bufetində Xəzərin fərdi oyun ustaları arasında Masters-2008 turniri keçiriləcək.

Oyunda Xəzər klubunun Fo ustaları (dəfələrlə Fo turnirlərinin qalibi olmuş şəxslər) iştirak edir. İştirakçıların siyahısı: Oktay Məhərəmov, Rüfət Abdulla, Tural Dadaşov, Fədai Məmmədov, Rsf Hsynv və bəndəniz mən Ə.N..

Oyunda iki üçlük olacaq və bu üçlüklər kor püşkatma ilə müəyyən ediləcək. Hər iki üçlüyün qalibləri və hər iki üçlüyün ən yaxşı ikinci yeri final mərhələsinə vəsiqə qazanır. Qalib Xəzər klubunda "FO magistrı" elan edilir. Bu titul onda növbəti Masters turnirinə qədər qalır.

Üçlüklərin oyununda hər biri 5 sualdan ibarət olmaqla 12 mövzu (xallar iki dəfə artımla), finalda isə 18 mövzu (xallar üç dəfə artımla) oynanılır. Sualların müəllifi: Orxan Cəlilov (red.) və Fuad Eminovdur. Oyunun aparıcı Cəlilov Orxandır.

İlk sual Aprelin 27-si saat 11:30-da gecikən iştirakçıları gözləmədən oxunacaq, buna görə də bütün iştirakçılar püşkatmada iştirak etmək və qaydalarla tanış olmaq üçün ən geci saat 11:15-ə qədər oyun keçirilən yerdə olmalıdırlar.

HÖRMƏTLİ XƏZƏRLİLƏR! OYUN HAMI ÜÇÜN AÇIQDIR, BÜTÜN FANATLAR VƏ TAMAŞAÇILAR BUYURUB GƏLƏ BİLƏR. ƏGƏR SİZ İLİN TİTANLAR SAVAŞINI QAÇIRMAQ İSTƏMİRSİNİZSƏ TƏLƏSİN VƏ ÖZÜNÜZÜN FAVORİTİNİZƏ MƏNƏVİ DƏSTƏK OLUN!!!

Hörmətlə Masters-2008 Təşkilat komitəsi

Masters-2008 necə yarandı

2008-04-25T15:56:00.004+05:00

Sabah, aprelin 27-də Xəzər klubunda Fərdi oyun (FO) üzrə əsas xəzərli ustaların ("masterlərin") artıq "Titanların savaşı" adını almış oyunu olacaq. Oyunda FO üzrə klubun ən güclü altı oyunçusu - bilicisi (bəndəniz də daxil olmaqla) bir-birinə qarşı mübarizə aparacaq. Təşkilatçılar mən və mənim keçmiş komanda yoldaşım və köhnə silahdaşım Orxan Cəlilovdur.

Əslində bu ideya Xəzər klubundakı növbəti rəsmi Fərdi Oyunda (FO) mənim qalib gəlməyimdən sonra Rüfətin etdiyi bir şərhdən yarandı: belə ki, Xəzərin forumunda totalizatorlardan danışan bir qrup xəzərlinin müzakirəsi, futbol və sair oyunlara tətbiq olunan sistemin intellektual oyunlara da tətbiq olunub-oluna bilməməsi məsələsinə gəlib çıxınca, Rüfət də mənim Fərdi Oyunun digər "əjdahası" Rusiflə hipotetik qarşılaşmama dair kiçik üstəgəl-çıx elədi. Uşaqlar da bu fikri göydə qapdılar - totalizator məsələsini yox ha, mənim Rusiflə qarşılaşmağımı! Hətta oyun üçün suallar yazmağa könüllülər də tapıldı! (Ax, ax, Yuvenal, səhv etməmisən vaxtilə deyəndə "Çörək və Tamaşa!")

Amma diskussiya getdikcə məlum oldu ki, bu görüşün üçüncü adamını müəyyən etmək problem doğuracaq (axı oyunda ən azı üç nəfər olmalıdır - klubda isə bu yeri tutmağa o qədər layiqli adam var ki!). Məhz belə bir anda Cəlilov və mənim danışıqlarımızdan İDEYA yarandı: niyə ki, ancaq üç nəfər oynasın? Bəs yerdə qalan bilicilər? Hər halda "əjdahakimilər" fəsiləsindən mən, Rusif və Oktay ilə yanaşı Rüfət, Tural və hələ cavan əjdaha Fədai də oynaya bilər! Özü də bu zaman şou daha uğurlu alınar və Yuvenalın da ruhu inciməz!

Beləliklə də, ekstremal şəraitdə hazırlıqlar başlanıldı: tələm-tələsik oyunun planı və formatı quraşdırıldı, oyunçular ilə onlayn məsləhətlər aparıldı, PR və reklam xarakterli informasiyaların təbliğatına başlanıldı və ən nəhayət sual paketi yazıldı (bu cəhətdən qiymətli vaxtından kəsib bunun üçün vaxt ayıran sual paketinin redaktoru Cəlilova dərin təşəkkürlər!) . . .

Nəhayət oyun gününə 1 gün qalır. Bilicilərin beyni gicişir. Sabah da nə?harada?nə zaman? üzrə Azərbaycan çempionatının növbəti turudur. Qarşıdan iki digər çempionat gəlir - Bahar Kuboku və İstiqlaliyyət Kuboku. Xəzərin dövrə oyunlarında 5 güclü komanda arasında intriqa durmadan artır (yaxşı mənada). Bəs görəsən yazın bu qanqaynadan vaxtında bilicilərimiz Masters-2008 turnirində necə performans göstərəcək?

Ardı gələn postlarımda . . .

Bloquma xoş gəldiniz!

2008-04-25T15:56:00.000+05:00

Hər kəsə salamlar! Sizi yeni bloqumda salamlayıram. Mən əsasən ingilis dilində yazdığım başqa bir bloqum var, orada diqqətimi çəkən və sizin də diqqətinizi çəkə biləcək hər şey haqqında yazıram. Bu bloq açmaqda məqsədim isə sırf azərbaycanca yazmaqla yanaşı, həm də spesifik və nisbətən dar mövzuya dair fikirlərimi yenə də spesifik auditoriya ilə bölüşməkdir. Yəni, mıs-mısın Mustafasın desək, bu bloq mənim 2003-cü ildən başlayaraq üzvü olduğum Xəzər İntellektual Klubunun fəaliyyətinə, mənim oradakı fəaliyyət və təəssüratlarıma, eləcə də azərbaycandilli nə?harada?nə zaman? icmasının maraqlarına, bir sözlə intellektual həyatımızın müxtəlif aspektlərinə həsr olunub. Lakin onu da yaddan çıxarmayın ki, burada verilən bütün yazılar və mövqelər sırf mənə aiddir və heç bir halda klubun rəsmi mövqeyini ifadə edə bilməz! Buyurun, bloq ixtiyarınızdadır və fikirlərinizi də şərh formasında izhar etməkdən çəkinməyin! Əgər mənimlə daha yaxından tanış olmaq və başqa yazılarımı da izləmək istəyirsinizsə onda əsas bloquma da baş çəkin! Necə deyərlər, ya siftə!